«Латиф Хамиди және Қазақстанның музыкалық мәдениеті» атты дөңгелек үстел өтті Құрманғазы атындағы Қазақ ұлттық консерваториясында М.О. Әуезов атындағы Әдебиет және өнер институтының «Музыкатану» бөлімінің қызметкерлерінің қатысуымен 14 сәуір күні «Латиф Хамиди және Қазақстанның музыкалық мәдениеті» атты дөңгелек үстел өтті. Ғылым апталығы аясында өткен дөңгелек үстел отандық музыкатану ғылымындағы өзекті мәселелерді талқылауға, көрнекті композитор Латиф Хамидидің шығармашылық мұрасын жан-жақты зерделеуге және оның қазақ музыкалық мәдениетіндегі орнын айқындауға арналды. Іс-шара барысында ғалымдар композитордың туындыларына қатысты ғылыми зерттеулерді, олардың тарихи-эстетикалық маңызын, сондай-ақ қазіргі орындаушылық тәжірибедегі жаңғыруын талдап, кәсіби пікір алмасты. Сонымен қатар жиын ғылыми баяндамалар мен музыкалық орындаулар арқылы теория мен тәжірибені ұштастырып, ұлттық музыкалық мұраны насихаттауға және жас буынның қызығушылығын арттыруға бағытталды. Жиын консерваторияның ғылыми-инновациялық қызмет, шығармашылық даму және халықаралық ынтымақтастық жөніндегі проректоры, өнертану кандидаты Айзада Нүсіпованың құттықтау сөзімен ашылды. Институт қызметкерлері келесі тақырыптарда баяндама жасады: Сондай-ақ дөңгелек үстелге Консерватория оқытушылары – ө.ғ.к. Мылтықбаева Меруерт Шырақбайқызы, ө.ғ.м. Түлкібаева Жұлдыз Жаханшақызы, Маханов Ғани Амангелдіұлы, докторанттар Қыдырниязова Жанна Қамбарбекқызы мен Төлегенова Бибігүл Төлегенқызы қатысты. Онлайн қосылған қатысушылар қатарында Қазанғап атындағы Қызылорда жоғары музыка колледжінің директоры, Қазақстанның еңбек сіңірген қайраткері, PhD докторы, қауымдастырылған профессор Әмзе Мүсілім Балтабайұлы және Т.Жүргенов атындағы Қазақ ұлттық өнер академиясының доценті, ҚР «Мәдениет қайраткері» Әбуғазы Мұрат Қазенұлы болды. Іс-шараның басты қонақтары

Шөмішбай Сариевтің 80 жылдығына арналған конференция өтті 2026 жылдың 15 сәуірінде Алматы қаласында Қазақстан Республикасы Ғылым және жоғары білім министрлігі Ғылым комитетіне қарасты М.О. Әуезов атындағы Әдебиет және өнер институтының ұйымдастыруымен, Ғылым ордасының қолдауымен көрнекті ақын, Қазақстанның еңбек сіңірген қайраткері, әдебиеттанушы ғалым, «Барыс», «Парасат» ордендерінің иегері Шөмішбай Нағашыбайұлы Сариевтің 80 жылдығына арналған «Қазақ поэзиясы: өткені мен бүгіні» атты республикалық ғылыми-тәжірибелік конференция өтті. Конференцияның негізгі мақсаты – Шөмішбай Сариевтің шығармашылық және ғылыми мұрасын кешенді түрде зерделеу арқылы оның қазақ әдебиетіндегі орны мен рухани маңызын айқындау, сондай-ақ ұлттық поэзияның көркемдік-эстетикалық табиғатын терең таныту. Аталған ғылыми жиын ұлттық әдебиеттану ғылымындағы өзекті мәселелерді саралап, қазақ поэзиясының тарихи даму үдерісі мен қазіргі бағыттарын ғылыми тұрғыдан пайымдауға бағытталған мазмұнды әрі маңызды алаң болды. Іс-шараны М.О. Әуезов атындағы Әдебиет және өнер институтының Бас директоры, ҚР Президентінің жанындағы ҚР ҰҒА академигі, филология ғылымдарының докторы Кенжехан Ісләмжанұлы Матыжанов жүргізіп, ақын мұрасының ұлттық әдебиет тарихындағы айрықша орны мен тағылымдық мәніне тоқталды. Шараның алғашқы құттықтау сөзі әл-Фараби атындағы Қазақ ұлттық университетінің Баспагерлік-редакторлық және дизайнерлік өнер кафедрасының меңгерушісі, филология ғылымдарының кандидаты, доцент Айгүл Рамазанға берілді. Айгүл Әмірғалиқызы бұл ғылыми басқосудың Шөмішбай Нағашыбайұлының шығармашылық мұрасын терең зерделеуге, оның қазақ поэзиясындағы көркемдік болмысы мен рухани маңызын ғылыми тұрғыдан айқындауға бағытталған маңызды іс-шара екенін атап

Ұлттық мұра мен дәстүрлі өнер тоғысқан тағылымды кеш Алматы қаласындағы «Әуезов үйі» ғылыми-мәдени орталығында М.О. Әуезов атындағы Әдебиет және өнер институтының ұйымдастыруымен 16 сәуір күні Рахманқұл Бердібаев атындағы Халық университеті дәрісінің аясында Алаш рухты ағартушы-қайраткер, көрнекті әнші-композитор Қапез Байғабылұлының туғанына 130 жыл толуына арналған «Бұлбұл құстай сайраған…» атты дәріс-концерт өтті. Мәдени-ғылыми мазмұндағы бұл кештің басты ерекшелігі – ғылыми пайым мен дәстүрлі өнердің табиғи сабақтастығын көрсетуінде болды. Іс-шараны Институттың бас директоры, ҚР Президенті жанындағы ҚР ҰҒА академигі, филология ғылымдарының докторы Кенжехан Ісләмжанұлы Матыжанов ашып, Қапез Байғабылұлы мұрасының тарихи-мәдени маңызына кеңінен тоқталды. Шараны фольклортанушы-ғалым, филология ғылымдарының кандидаты Сағатбек Медеубекұлы Медеубек жүргізіп, Қапез шығармашылығы мен әндерінің тарихына қатысты құнды мәліметтермен бөлісті. Дәріс-концерт барысында әрбір музыкалық туынды тек орындалып қана қоймай, оның шығу тарихы, мазмұндық ерекшелігі мен дәстүрлі әншілік мектептегі орны жөнінде орындаушылар тарапынан қысқаша түсіндіріліп отырды. Бұл өз кезегінде көрерменге ұсынылған шығармаларды тереңірек қабылдауға мүмкіндік берді. Кеш аясында орындалған шығармалар мен орындаушылар реті төмендегідей болды: – Қапез Байғабылұлының «Дүние-ау» әнін Қазақстанның халық әртісі Рамазан Стамғазы;– Шалтабай Алпарұлының «Шалтабайдың әнін» Ербақ Құрметжанұлы;– Құланаян Құлманбеттің «Шабданға айтқанын» әнін Тілеулес Құрманғалиев;– Асан ақын Барманбекұлының «Заманның түрі» әнін Барлыбай Нұралы;– Бөлтірік Атыханұлының «Ел жарыла көшкенде» әнін Тілеулес Құрманғалиев;– Жақыпберді Солтанбекұлының «Жақыпбердінің әнін» Рамазан Стамғазы;– Рыскелді Сауданұлының «Күлімханға»