1934 жылы құрылған
М.О. Әуезов атындағы Әдебиет және өнер институты 1934 жылы ашылып, тарих, археология, тіл, әдебиет және фольклорды, бейнелеу, музыка, театр, хореография өнерін зерттеумен айналысқан Қазақтың Ұлттық мәдени ғылыми-зерттеу институтынан бастау алады. 1961 жылдың тамыз айында институтқа М.О.Әуезов есімі берілді. 1963 жылы қарашада институт құрамында М.О.Әуезовтің әдеби-мемориалды музейі мен жазушының мұрасын зерттейтін ғылыми бөлім ашылды.
Ерекшелігі
Институт құрылған уақытынан бері қазақ әдебиеті мен фольклорын және өнерін зерттейтін бас ғылыми мекемеге айналды.
Институт ғалымдары ұлттық әдебиет пен өнердің тарихы мен теориясын, аса көрнекті әдебиет және өнер қайраткерлерінің шығармашылық мұрасын зерттеу ісіне үлкен үлес қосты.
Кімдер қызмет атқарды?
Институтта әр жылдары М.О.Әуезов, З.А.Ахметов, Л.М.Әуезова, М.Базарбаев, И.Х.Ғабдиров, М.Ғабдуллин, Ә.Ж.Дербісәлин, Ы.Т.Дүйсенбаев, М.Т.Дүйсенов, Б.Г.Ерзакович, М.Жармұхамедұлы, А.Қ.Жұбанов, Қ.Жұмалиев, Б.Кенжебаев, М.Қ.Қаратаев, Б.Құндақбаев, Ә.Қ.Нарымбетов, Е.В.Лизунова, Ш.Қ.Сәтбаева, М.С.Сильченко, Н.С.Смирнова, Ә.Тәжібаев, Е.С.Ысмайылов, Ж.Ысмағұлов, Ә.Шәріпов және т.б. аса көрнекті ғылым, әдебиет және мәдениет қайраткерлері жұмыс істеді.
Зерттеулер мен монографиялар
ЖАҢАЛЫҚТАР
Тұңғышбай Жаманқұловпен кездесу
«Әуезов үйі» ғылыми-мәдени орталығында Р. Бердібаев атындағы Халық университеті дәрісінің аясында ҚР Халық артисі, Мемлекеттік сыйлықтың лауреаты, Түркі елдерінің өнерін дамытуға қосқан ерен еңбегі үшін Алтын медалінің иегері, театр және кино актері, режиссер, профессор ТҰҢҒЫШБАЙ ЖАМАНҚҰЛОВ ағамызбен кездесу өтті.
Кездесу барысында Тұңғышбай Қадырұлы алғаш өнерге келуі, білім алған ұстаздары, театр және кинодағы рөлдері туралы естеліктерімен бөлісті. Сондай-ақ кездесуде әдебиет, мәдениет, руханият бағытындағы өзекті мәселелер қозғалды.
Серікбол Қондыбай және қазақ мифологиясы
ҚР Ғылым және жоғары білім министрлігі Ғылым комитеті М.О.Әуезов атындағы Әдебиет және өнер институты Фольклортану бөлімінің ұйымдастыруымен «Серікбол Қондыбай және қазақ мифологиясы» атты республикалық ғылыми-тәжірибелік конференция өтті.
Конференцияны институттың бас директоры К.І.Матыжанов ашып, М.О. Әуезов атындағы Әдебиет және өнер институты Фольклортану бөлімінің бас ғылыми қызметкері, филол.ғ.д., профессор Б.У.Әзібаева «Серікбол Қондыбайдың зерттеу әдіснамасы», Саяси қуғын-сүргін құрбандары музейінің аға ғылыми қызметкері, филология ғылымдарының докторы Ғ.Әнес «Феномен тұлға», Нұр-Мүбарак университеті Әбу Ханифа ғылыми-зерттеу орталығының директоры, филология ғылымдарының докторы, профессор Ш.Керім «Маңғыстаудың миф-аңыздары», М.О.Әуезов атындағы Әдебиет және өнер институты «Қолжазба және фольклортану» ҒИО жетекші ғылыми қызметкері, филология ғылымдарының кандидаты С.Сәкен «Есен Қазақ» кітабы және «Қырымның қырық батыры» эпикалық цикілі», Әл-Фараби атындағы Қазақ Ұлттық университетінің доценті, филология ғылымдарының кандидаты Қайрат Жаңабаев «Преобразовательная роль Серикбола Кондыбая в мифологии и тюркологии» тақырыбында баянама жасады.
(толығырақ…)Әуезов мұражайына 60 жыл
Мұхтар Омарханұлы Әуезов мұражайына 60 жыл толуына арналған «М.О.Әуезов мұражайының тарихы және әдеби-ғылыми мұраларды зерттеу мәселелері» атты халықаралық ғылыми-тәжірибелік конференция өтті.
М.О. Әуезов атындағы Әдебиет және өнер институты ұйымдастырған шараға әдебиеттанушы-ғалымдар, өнер зерттеушілері, ғылыми қызметкерлер және қаламгердің ұрпақтары қатысты.
Басқосуды институттың Бас директоры, филол.ғ.д., ҚР ҰҒА корр.-мүшесі Кенжехан Ісләмжанұлы Матыжанов жүргізді.
Ең алдымен, мәдениеттанушы, әдебиеттанушы-ғылым, дипломат, мемлекет және қоғам қайраткері Мұрат Мұхтарұлы Әуезов, Халықаралық «Қонаев қорының» президенті Елдар Асқарұлы Қонаев, шығыстанушы, Лейден университеті «Еуразия» зерттеу орталығының профессор, ф.ғ.к. Зифа-Алуа Мұратқызы (Нидерланды, Амстердам қаласы), Қырғызстан Жазушылар одағының мүшесі, ақын, жазушы Манат Жұмадылқызы Бообекова (Қырғызстан, Шолпан-Ата қаласы), С. Мұқанов және Ғ. Мүсірепов әдеби-мемориалды мұражай кешенінің директоры Әбілғазы Қайырбеков және Д.А. Қонаев музейінің директоры Кубашева Елена Иватовна құттықтау сөзін айтты.
(толығырақ…)Рахманқұл Бердібаев атындағы «Халық университеті»
1963 жылы халыққа ғылыми-көпшілік білім тарату мақсатымен қоғамдық негіздегі «Халық университеті» құрылды. Дәрістер Қазақстан Ғылым академиясының мүше-корреспонденті, профессор Рахманқұл Бердібайдың басшылығымен Мұхтар Әуезовтің мұражай-үйінде ұйымдастырылып отырған.
«Әуезов үйінде» айына бір рет шығармашылық адамдарын өнер сүйер жастармен жүздестіріп, дәріс өткізуді дәстүрге айналдырып келеді.
Бейнедәрістер
«Қолжазба жəне фольклортану» ғылыми-инновациялық орталығы
Орталықтың міндеті — қазақ қолжазбаларын заман талабына, қазіргі заманғы белгіленген мəртебесі мен маңызына сəйкес реставрациялау, консервациялау жəне олардың қолжазба мұра күйінде сақталуына, болашақ ұрпақтың пайдалануына жағдай жасау.
Қолжазба мұраларды ғылыми айналымға түсіру жəне оларды жүйелі жариялау арқылы жас ұрпақтың игілігіне жарату.
Әуезов институтында әзірленген қазақ мәдениетінің ірі тұлғалары шығармаларының академиялық жинақтарының онлайн нұсқасы
БІЛІМ мен ҒЫЛЫМ САБАҚТАСТЫҒЫ
«Ғылым ордасы» РМК базасында орналасқан ҚР ҒжЖБМ Ғылым комитетінің Ғылыми зерттеу институттары мен әл-Фараби атындағы ҚазҰУ-дің магистранттар мен PhD докторанттарды дайындау бойынша бірлескен оқу бағдарламасы жұмыс істеп келеді.
Бірлескен бағдарлама 2014 жылдан бастау алады. Жобалық офистің алғашқы директоры әлеумет. ғ.д., профессор, ҚР ҰҒА корреспондент мүшесі – З.К. Шәукенова (2014-2016). 2016 жылдан бағдарлама жетекшісі э.ғ.д., профессор, ҚР ҰҒА академигі, әл-Фараби атындағы ҚазҰУ-нің ғылым және білім интеграциясы бойынша проректоры – Сатыбалдин Әзімхан Әбілқайырұлы.
Осы бағдарлама аясында төмендегі бағыттар бойынша магистранттар мен PhD докторанттары әзірленуде:
6М021401 - Заманауи Қазақстан әдебиеті
6D021401 - Теория және әдеби сын
6М021402 - Мәтінтану
6D021402 - Қазақ фольклоры және көне әдебиет
6М021403 - Фольклористика
6D021403 - Әдебиеттану
АНОНС
7 желтоқсанда сағат 15:00-де Р. Бердібаев атындағы Халық университеті дәрісінің аясында ҚР Халық артисі, Мемлекеттік сыйлықтың лауреаты, профессор Тұңғышбай Қадырұлы ЖАМАНҚҰЛОВПЕН кездесу өтеді.
28 қарашада сағат 11:00-де Әуезов институтының мәжіліс залында «Серікбол Қондыбай және қазақ мифологиясы» атты республикалық ғылыми-тәжірибелік конференция өтеді.
АҚЫЛЫ ҚЫЗМЕТТЕР
Инстутут ұжымы ғылыми жобаларды атқаруға, әр түрлі ғылыми шараларды ұйымдастыруға қатысты міндеттерді жүзеге асыра алады.
САТЫЛЫМДАҒЫ КІТАПТАР
Баспадан жарық көрген кітаптарды, жинақтарды сатып алуға мүмкіндігіңіз бар.
МАҚАЛА ЖАРИЯЛАУ
Беделді ғылыми журналдарға мақала әзірлеу, редакциялау, аудару және жариялауға қатысты әр түрлі міндеттерді жүзеге асыруға көмектесе аламыз.