Әуезов институтының басшылығы
Матыжанов Кенжехан Ісләмжанұлы
Бас директор,
Ғылыми кеңес төрағасы
ҚР Ұлттық ғылым академиясының академигі, филол.ғ.д., профессор
Қалиева Альмира Қайыртайқызы
Бас директордың ғылыми жұмыс жөніндегі орынбасары, Ғылыми кеңес төрағасының орынбасары, Этика жөніндегі өкіл
доцент, филол.ғ.к.
Омарова Эльмира Рамазанқызы
«М.О.Әуезов атындағы әдебиет және өнер институты» ШЖҚ РМК бас директорының жалпы мәселелер жөніндегі орынбасары
Матыжанов Кенжехан Ісләмжанұлы
1957 жылдың 8 наурызында Шығыс Қазақстан облысының Тарбағатай ауданында дүниеге келген. Абай атындағы Қазақтың педагогикалық институтының филология факультетін (1978), аспирантурасын (1985) тәмамдаған.
Филология ғылымдарының докторы, Қазақстан Ұлттық Ғылым академиясының академигі, Қазақстанның еңбек сіңірген қайраткері, Қазақстан Жазушылар Одағының, Журналистер Одағының мүшесі, «Құрмет», «Парасат» ордендерінің иегері, ҚР ҒЖБМ Ғылым комитеті М.О.Әуезов атындағы Әдебиет және өнер институтының Бас директоры.
Еңбек жолын Шығыс Қазақстан облысында мұғалімдік қызметтен бастаған. 1986 жылдан Ұлттық Ғылым академиясының М.О.Әуезов атындағы әдебиет және өнер институтында ғылыми қызметкер болып еңбек етіп, 1990 жылы «Қазақтың фольклорлық балалар поэзиясы» атты тақырыпта кандидаттық диссертация қорғаған.
1990-1992 жылдары Қазақстан Ғылым Академиясының Қоғамдық ғылымдар бөлімшесінде ғалым-хатшы, Абай атындағы Қазақ педагогикалық институтында доцент қызметінде жұмыс жасады.
1992 жылы Қазақстан Республикасы Президенті мен Министрлер кабинеті Аппаратының Ішкі саясат бөліміне аға референт болып қабылданды.
1993 жылы Қазақстан Республикасы Министрлер кабинеті жанындағы Тіл комитеті төрағасының орынбасары болып тағайындалды.
1995-1999 жылдар аралығында Қазақстан Республикасы Ұлт саясаты жөніндегі Мемлекеттік комитетте басқарма бастығы, Қазақстан Республикасы Үкіметі аппаратының әлеуметтік-мәдени даму бөлімінде тіл саясаты жөніндегі кеңесші, Қазақстан Республикасы Білім, мәдениет және денсаулық сақтау Министрлігінің тіл саясатын үйлестіру Департаменті директорының орынбасары, Қазақстан Республикасы Мәдениет, ақпарат және қоғамдық келісім Министрлігі Тілдерді дамыту Департаментінің бөлім бастығы қызметтерін атқарған. Осы жылдары біртұтас Мемлекеттік тіл саясатының қалыптасуына белсене араласып, Қазақстан Республикасының тіл заңының, тіл саясатының тұжырымдамасын, Тілдерді дамытудың Мемлекеттік бағдарламасын жасауға ат салысты. Мемлекеттік терминологиялық және ономастикалық комиссиялардың тұрақты мүшесі.
1999-2002 жылдары Қазақстан Республикасы Орталық Мемлекеттік мұражайы директорының ғылым жөніндегі орынбасары, 2002-2005 жылдары Қазақстан Республикасы Тұңғыш Президенті мұражайының директоры қызметтерін атқарды.
2005-2010 жылдары Алматы қалалық әкімдігінде Мәдениет Департаменті директорының орынбасары, Тілдерді дамыту басқармасының бастығы қызметтерін атқарды.
2010-2012 жылдары Алматы қаласы Ішкі саясат басқармасының бастығы, 2012 жылдан «Нұр Отан» партиясы Алматы қалалық филиалы төрағасының бірінші орынбасары, Әл-Фараби атындағы ҚазҰУ «Рухани жаңғыру» инновациялық орталығының басшысы қызметтерін атқарды.
2018 жылдан бастап Қазақстан Республикасы Ғылым және жоғары білім министрлігі Ғылым комитеті М.О. Әуезов атындағы Әдебиет және өнер институтының Бас директоры қызметінде.
2004 жылы «Қазақтың отбасылық ғұрып фольклоры» атты тақырыпта докторлық диссертация қорғады.
Мемлекеттік марапаттары:
«Қазақстанның еңбек сіңірген қайраткері» (2007), «Құрмет» (2016), «Парасат» (2024) ордендерінің, «Қазақстан Республикасы Конституциясының 10 жылдығы», «Астананың 10 жылдығы», «Тәуелсіздіктің 20 жылдығы», «Қазақстан Халқы Ассамблеясына 20 жыл», «Тәуелсіздікке 25 жыл» сияқты мерекелік медальдардың иегері.
Негізгі еңбектері:
«Рухани уыз». Монография. (1995, 2008), «Алтын сандық» (1996), «Тал бесіктен жер бесікке дейін» (1996), « Ел қазынасы ескі сөз» (1997), «Қазақтың отбасы фольклоры». Монография. (2007), «Тәрбиенің тұнық бастауы» (2018), «Казахский семейный фольклор» (2020), «Педогогические аспекты культуры детства» (2020), сонымен қоса отандық және Еуропа мен ТМД елдерінің беделді басылымдарында 200-ден астам ғылыми мақалалары мен еңбектері жарық көрген.
Қалиева Альмира Қайыртайқызы
1980 жылы 9 маусымда Абай облысы Аягөз ауданы, Ақши ауылында дүниеге келген. 1997 жылы Ақши орта мектебін аяқтаған соң Шәкәрім атындағы Семей мемлекеттік университетінің гуманитарлық факультетіне оқуға түсіп, 2001 жылы “Қазақ тілі мен әдебиеті пәнінің оқытушысы” мамандығын алып шықты. Осы жылдары ғылыми, танымдық мақалалары мен эсселері облыстық газет беттерінде жариялана бастады. 2005 жылы әл-Фараби атындағы Қазақ ұлттық университеті филология факультетінің магистратурасын “Әдебиет теориясы” мамандануы бойынша үздік аяқтап, “Филология магистрі” академиялық дәрежесіне ие болды.
2004-2005 жылдары Алматы қаржы-экономикалық және құқықтық колледжінде оқытушы, 2005-2007 жылдары әл-Фараби атындағы ҚазҰУ филология факультетінің әдебиет теориясы және фольклористика кафедрасында аға лаборант болып жұмыс істеді. 2007-2009 жылдары аталған кафедрада ассистент-оқытушы, оқытушы қызметін атқарды. 2009-2010 жылдары С.Асфендияров атындағы Қазақ ұлттық медицина университеті Мемлекеттік тілді дамыту басқармасында аудармашы маман болып жұмыс істеді.
2010 жылы филол.ғ.д., профессор Б.Қ.Майтановтың жетекшілігімен «Шығармашылық тұлғаны суреттеудегі психологизм» (мамандығы: «10.01.08 – Әдебиет теориясы; мәтінтану») тақырыбында диссертация қорғап, филология ғылымдарының кандидаты ғылыми дәрежесіне ие болды. 2010-2012 жылдары М.О.Әуезов атындағы Әдебиет және өнер институты Тәуелсіздік дәуіріндегі әдебиет бөлімінің аға ғылыми қызметкері, 2012-2016 жылдары Институттың ғалым хатшысы қызметтерін атқарды.
2016 жылдан бастап А.Қ.Қалиева – М.О.Әуезов атындағы Әдебиет және өнер институты директорының ғылыми жұмыс жөніндегі орынбасары.
2018-2020 жылдарға арналған «Қазақстан әдебиеті мен өнеріндегі «Мәңгілік Ел» концепті» нысаналы бағдарламасының қосалқы жетекшісі, 2021-2023 жылдарға арналған «Қазіргі әдебиеттану және когнитивтік парадигма» тақырыбында гранттық жобаның жетекшісі болды.
Біліктілікті арттыру:
-2016 жылы қыркүйек айында кәсіби біліктілік деңгейді жоғарылату мақсатында РҒА Орыс әдебиет институтында ғылыми тағылымдамадан (72 сағат), РҒА А.М.Горький атындағы Әлем әдебиеті институтында қысқа мерзімді тәжірибе алмасу курсынан өтіп, сертификаттарға ие болдым.
-2019 жылы Қазақстан Республикасы Президентінің жанындағы Мемлекеттік басқару академиясының «Жобаларды басқару» тақырыбындағы біліктілікті арттыру семинарына қатыстым (24 академиялық сағат).
– 2018 жылы Ресей халықтар достығы университетінің гуманитарлық және әлеуметтану ғылымдары факультетінің қосымша кәсіптік білім беру орталығында біліктілікті арттыру курсы (“Посткеңестік кеңістіктегі тілдік процестер және тіл саясаты” – 72 сағат);
– 2021 жылы Ресей халықтар достығы университетінің гуманитарлық және әлеуметтану ғылымдары факультетінің қосымша кәсіптік білім беру орталығында біліктілікті арттыру курсы (“ХХ ғасырдағы Батыс Еуропа әдебиетіндегі уақыт, шындық, кейіпкер” – 72 сағат);
– 2023 жылы Назарбаев Университеті жанындағы “Academic Leadership Institute” бағдарламасы бойынша дайындық курсынан өтті (166 сағат – 27.04.2023-02.12.2023).
– 2023 жылдың қыркүйегінде Назарбаев Университеті жанындағы “Academic Leadership Institute” бағдарламасы аясында шетелдік модулі аясында Ұлыбританияның Кардифф, Бат, Рединг университеттерінде курс оқыды
– 2024 жылы РФ Сочи мемлекеттік университетінің «Лингвистикалық прадигма: теориялық және қолданбалы аспектілер (Сочи мектебі)» тақырыбында біліктілікті арттыру курсынан өтті (72 сағат).
Жетістіктері:
-2013 жылы ғылымдағы жетістіктерім үшін ҚР Білім және ғылым министрлігінің «Дарынды жас ғалымдарға арналған мемлекеттік ғылыми стипендиясының» иегері атанды.
-2018 жылы ҚР Білім және ғылым министрінің «Алғысын» алды;
-2018- жылы ҚР Білім және ғылым министрінің «Құрмет» грамотасын алды;
-2023 жылы ҚР Ғылым жіне жоғары білім министрлігінің «Ғылымды дамытуға қосқан үлесі үшін» төсбелгісіне ие болды.
2024 жылы – Түрксой халықаралық ұйымының Әуезов медалімен марапатталды.
А.Қалиева – 2 кітаптың, 130-ға жуық ғылыми мақаланың авторы.
Жалпы еңбек өтілі – 25 жыл, саладағы еңбек өтілі – 20 жыл.
Омарова Эльмира Рамазанқызы
1981 жылы Алматы облысы Райымбек ауданы Сүмбе ауылында туылған. Білімі жоғары. 2002 жылы Қазақ гуманитарлық заң университетін «құқықтану» мамандығы бойынша, 2005 жылы Алматы заң академиясының магистратурасын аяқтап, «юриспруденция магистрі» біліктілігін алған.
Еңбек жолын 2004-2005 жылдар аралығында «Винзавод Иссык» АҚ-ның заңгер лауазымынан бастаған.
2007-2008 жылдар аралығында Алматы қаласы Тілдерді дамыту басқармасында әкімшілік бөлімінің бас маман-заңгері және 2008-2010 жылдар аралығында ономастикалық жұмыстар және талдау бөлімінің бас маманы қызметтерін атқарды.
2010 жылдың ақпан айынан 2015 жылдың қаңтарына дейін Алматы қаласы Ішкі саясат басқармасының қаржы-экономикалық және кадр жұмыстарын ұйымдастыру бөлімінің бас маманы ретінде жұмыс жасады.
2015-2019 жылдар аралығында «Amanat» партиясының Алматы қалалық филиалының заңгері, 2019 жылдың наурыз айынан бастап «Amanat» партиясы Алматы қалалық филиалының Қоғамдық қабылдау бөлімінің меңгерушісі лауазымында қызмет етті.
2021 жылдың желтоқсан айынан бастап «Amanat» партиясы Алматы қалалық филиалы төрағасының орынбасары болып жұмыс атқарған.
2023 жылдың маусым айында ҚР ҒЖБМ Ғылым комитетінің «М.О.Әуезов атындағы әдебиет және өнер институты» ШЖҚ РМК бас директорының жалпы мәселелер жөніндегі орынбасары лауазымына тағайындалды.
Жалпы еңбек өтілі 19 жылды құрайды.
2021 жылы Қазақстан Республикасының «Құрмет грамотасымен» наградталған.