Соңғы жарық көрген кітаптар
Кітапты сатып алу туралы институт әкімшілігіне хабарласуға болады.
Байланыс телефоны: 8 (727) 272 74 11. Ватсап нөмірі: +7 (727) 272 74 11.
М.О. Әуезов шығармашылығын мәдениеттер диалогы аясында зерттеу
Ұжымдық монография. – Алматы: Evo press, 2024. – 304 бет.
ISBN: 304
М.О. Әуезов атындағы Әдебиет және өнер институты «Әуезов үйі» ғылыми-мәдени орталығының ғалымдарының зерттеуімен жарыққа шыққан ұжымдық монографияда М.О. Әуезовтің шығармашылығын мәдениеттер диалогы аясында зерттеу мәселелері қарастырылды. Сонымен бірге М.О. Әуезовтің Ресей, Әзірбайжан, Қырғызстан, Өзбекстан және Тәжікстанның әдеби дәстүрлерімен байланысы, шетелдердегі мұрағат материалдары бүгінгі әлемдік әдебиеттану ғылымының категориялары негізінде зерттелді.
Жаңа қазақ әдебиеті: дарынды жастардың шығармашылық жетістіктері
Ұжымдық монография. – Алматы: Evo press, 2024. – 316 бет.
ISBN: 316
М.О. Әуезов атындағы Әдебиет және өнер институтының Тәуелсіздік дәуір әдебиеті ғалымдарының зерттеуімен жарыққа шыққан ұжымдық монографияда тәуелсіздік тұсында әдебиетке келген жас қаламгерлердің қазақ әдебиетінің даму бағытына қосқан еңбектері ғылыми тұрғыдан зерттелген. Авторлар поэзия, проза жанрлары бойынша шолу тарауларда заманауи қазақ әдебиетіндегі дәстүр сабақтастығын, ұлттық әдебиеттегі мазмұн мен түр жаңалығын бағамдайды.
Фольклор және қоғамдық сана
Ұжымдық монография. – Алматы: Evo press, 2024. – 282 бет.
ISBN: 282
М.О. Әуезов атындағы Әдебиет және өнер институтының Фольклортану бөлімінің ғылыми қызметкерлерінің зерттеуімен жарыққа шыққан ұжымдық монографияда фольклор мен қоғамдық сана байланысы тұңғыш рет зерттелді. Алғаш рет ғылыми айналымға ұсынылған «фольклорлық ақпарат» деген ұғымның айқындамасы жасалып, түрлері анықталды.
Алаш қайраткерлері және ұлттық фольклор
Ұжымдық монография. – Алматы: «ИП Балауса баспасы», 2024. – 424 бет.
ISBN: 424
М.О. Әуезов атындағы Әдебиет және өнер институтының Фольклортану бөлімінің ғалымдарының зерттеуімен жарыққа шыққан ұжымдық еңбекте Алаш қайраткерлерінің қазақ фольклорын жинау, жариялау, зерттеуді ана тілін сақтау мен ұлттық бірегейлік дәрежесіне жетудің маңызды құралы ретінде бағалаған ортақ ұстанымдары алғаш рет кешенді түрде жан-жақты қарастырылды.
Абай мұрасындағы ұлттық және жалпыадамзаттық: уақыт пен кеңістіктегі рухани транзит
Ұжымдық монография. – Алматы: «Evo Press», 2024. – 304 бет.
ISBN: 304
Ұжымдық монографияда Абай мұрасындағы ұлттық және жалпы адамзаттық құндылықтар мәселесі ақынның рухани дүниетанымының эволюциялық ерекшеліктеріне сай пайымдалды. Сонымен бірге Абайдың ақындық мектебі, ақын аудармалары мен әдеби-мәдени мұрасының зерттелу деңгейі «Абай дәуірі» ұғымына сай қарастырылды.
Алтын орда дәуірі және қазақ фольклоры
Ұжымдық монография. – Алматы: «Evo Press», 2022. – 345 бет.
ISBN: 345
М.О. Әуезов атындағы Әдебиет және өнер институты ғалымдарының құрастыруымен жарыққа шыққан монографияда Кеңестік дәуірде жабық тақырыпқа айналған қазақ фольклорының Алтын Орда дәуіріндегі терең тарихи тамырлары тұңғыш рет кешенді түрде, жүйелі ғылыми зерттеу нысанына айналған.