ӘУЕЗОВ ИНСТИТУТЫ

Facebook-f Youtube
logo

Мұхтар Әуезов атындағы Әдебиет және өнер институтының ақпараттық порталы

Соңғы жарық көрген кітаптар

Кітапты сатып алу туралы институт әкімшілігіне хабарласуға болады.
Байланыс телефоны: 8 (727) 272 74 11. Ватсап нөмірі: +7 (727) 272 74 11.

Балалар әдебиетінің пәнаралық аспектілері

Балалар әдебиетінің пәнаралық аспектілері: Ұжымдық монография. – Алматы: «Қазына» баспасы, 2024. – 240 б.

ISBN: 978-601-82107-9-2
Ұжымдық монографияда балалар әдебиетінің пәнаралық аспектілері зерделенеді. Балалар әдебиетінің аксиологиялық және тәрбиелік мәні ашылып, жас оқырманның әлеуметтік-психологиялық портреті жасалады. Сонымен қатар, оқушыларды кітап оқуға баулудың педагогикалық тұжырымдамасы жасалып, балаларға арналған оқу мәтіндерін іріктеудің лингвистикалық һәм әдістемелік алғышарттары көрсетіледі. Ұжымдық монография балалар әдебиетін зерттейтін мамандарға, студенттер мен магистранттарға және балалар әдебиетіне әуес жалпақ жұртшылыққа арналған.

Қазіргі поэзиядағы модификация

«Қазіргі поэзиядағы модификация: стиль, ырғақ, форма»: Ұжымдық монография. -Алматы: «Қазына», 2024. -240 б.

ISBN: 978-601-82107-8-5
Монография қазіргі қазақ поэзиясының даму бағыттарын кешенді түрде талдайтын, ұлттық өлең өнеріндегі стильдік және құрылымдық өзгерістерді ғылыми тұрғыдан жүйелейтін маңызды еңбек. Зерттеу әдебиеттану ғылымына ғана емес, поэзия теориясымен, қазіргі әдеби үрдіспен айналысатын зерттеушілерге, оқытушылар мен жас ғалымдарға да құнды ғылыми негіз ұсынады.

Қазіргі қазақ балалар әдебиеті

Орда Г. Қазіргі қазақ балалар әдебиеті (1991-2021 жж.): Монография. – Алматы: Тоғанай, 2024. – 320 б.

ISBN: 978-601-7154-19-6
Монографияда тәуелсіздік тұсындағы қазақ балалар әдебиетінің даму бағыттары зерттелген. Автор жекелеген жанрлар бойынша шолу тараулар мен шығармашылық портреттерде заманауи қазақ балалар әдебиетіндегі дәстүр сабақтастығын, балалар әдебиеттіндегі мазмұн мен түр жаңалығын бағамдайды. Қазіргі қазақ балалар әдебиетіндегі қол жеткізген көркемдік-эстетикалық жетістіктер соңғы жылдарда жарық көрген жекелеген қаламгерлердің кітаптарымен, қазіргі қазақ балалар поэзиясының, әңгімелерінің антологияларына енген шығармалармен саралаған. Қазіргі қазақ балалар әдебиетіндегі көркемдік жетістіктің бірі – ауыз әдебиеті үлгілерінен жалғасып келе жатқан санамақ, жұмбақ, жаңылтпаш, мақал-мәтел, өтірік өлең, ертегі, аңыз, әңгіме, айтыс жанрларының кездесетіндігі.

Қаныш Сәтбаев шығармаларының академиялық толық жинағы

Қаныш Сәтбаев. Шығармаларының академиялық толық жинағы.

Бестомдық / Томды құрастырып, баспаға дайындаған: Матыжанов К.І., Қалиева А.Қ., Ананьева С.В., Қалиасқарова А.Т. (жауапты шығарушы), Мағазбеков Н.Ж., Әмірбаева Ш.М. – Алматы: Атамұра, 2024.

ISBN: 978-601-354-194-5
Академиялық басылымда академик Қ.И. Сәтбаевтың жарық көрген еңбектері толық жинақталған. Кітап Қазақстанның техникалық университеттерінің студенттеріне, магистранттарына, оқытушыларына және жалпы оқырман қауымға арналған.

ХХІ ғасыр әдебиеттануы: терминдер сөздігі

ХХІ ғасыр әдебиеттануы: терминдер сөздігі

Жауапты шығарушы, құрастырушылар: А.Қалиева, Г. Сәулембек. – Алматы: «Service Press» баспасы, 2024 – 296 б.

ISBN: 296
М.О. Әуезов атындағы Әдебиет және өнер институты бас директорының орынбасары, филол.ғ.к. Қалиева Альмира Қайыртайқызы және Институттың жетекші ғылыми қызметкері, PhD Сәулембек Гүлмира Рзаханқызының құрастыруымен жарық көрген басылым қазіргі әдебиеттану ғылымының өзекті терминдері мен ұғымдарына арналған.

Казахская литература в международных контекстах

Казахская литература в международных контекстах

Отв. Редактор С.В.Ананьева. – Алматы: Evo press, 2024. – 208 с., без илл.

ISBN: 208
В коллективной монографии, изданной учеными отдела мировой литературы и международных отношений Института литературы и искусства имени М.О. Ауэзова, авторы раскрывают общефилологическую значимость литературного текста Казахстана, концентрируя свой исследовательский интерес на литературной традиции, о смысле творчества, дискурса, идентичности, авторской стратегии, оптике романа, эссеичности изложения, беллетризированной биографии («biografie romance»).