🏛️ Қазақстан Республикасы Ғылым және жоғары білім министрлігі Ғылым комитеті М.О. Әуезов атындағы Әдебиет және өнер институтының ұйымдастыруымен 2024 жылдың 25 желтоқсан күні сағат 11:00-де Алматы қаласындағы Қазақстан Республикасы Ұлттық кітапханасының «Н.Дәулетова» атындағы залында Институттың 90 жылдық мерейтойы аясында «ҰЛТТЫҚ ӘДЕБИЕТТАНУ МЕН ӨНЕРТАНУ: ТАРИХ ТАҒЫЛЫМЫ ЖӘНЕ ЗАМАНАУИ ІЗДЕНІСТЕР» атты дөңгелек үстел өтеді.
⚜️ Шараға мемлекет және қоғам қайраткерлері, белгілі әдебиеттанушы және өнертанушы ғалымдар, ЖОО-ның оқытушылары мен докторанттары қатысады.
📚 Жиын барысында қазіргі әдебиеттану мен өнертану ғылымының өзекті мәселелері талқыланып, М.О. Әуезов атындағы Әдебиет және өнер институтының 2024 жылы жарық көрген әдебиеттану, өнертану, фольклортану бағытындағы ғылыми зерттеулерінің, академиялық жинақтарының таныстырылымы өтеді. Атап айтқанда, Ахмет Байтұрсынұлы, Мағжан Жұмабаев шығармаларының академиялық толық жинақтары және т.б.
✅ Сонымен қатар:
- Институт кітаптарының тұсаукесері;
- Ғылыми жобалар мен атқарылған жұмыстардың қорытындысы;
- Әдебиеттану, өнертану бағытында пікір алмасулар өткізіледі.
🖌️ Ұйымдастыру комитетінің байланыс телефоны:
М.О. Әуезов атындағы Әдебиет және өнер институты
Мағазбеков Нұр Жандосұлы, баспасөз хатшысы.
E-mail: nur_magazbekov@mail.ru
Тел: +7 7759890212