🗓️ Түркия Республикасы Анкара қаласындағы іссапар кезінде М.О. Әуезов атындағы Әдебиет және өнер институтының Бас директоры, ҚР ҰҒА академигі, филология ғылымдарының докторы Кенжехан Ісләмжанұлы Матыжанов, Жас ғалымдар кеңесінің төрағасы Нұр Жандосұлы Мағазбеков, Түркология ғылыми-зерттеу институты директорының орынбасары Халил Четин Қазақстан Республикасының Түркия Республикасындағы Төтенше және Өкілетті елшісі Еркебұлан Оңалбекұлы Сәпиевтің қабылдауында болды.

📈 Елшімен кездесу барысында екі ел арасындағы әдеби байланысты нығайту, бірлескен іс-шаралар ұйымдастыру мәселелері талқыланды.

🏛️ Сонымен қатар Хаджеттепе университетінің Түркітану институтының директоры, профессор Юнус Коч, Хаджеттепе университетінің Түркітану институты директорының орынбасары, доцент Микаил Дженгиз, Хаджеттепе университетінің түрік фольклоры бөлімінің меңгерушісі, профессор Гүлай Мирзаоғлуымен секілді белгілі ғалымдармен кездесу өтті. Кездесу аясында түркі елдерінің әдебиеттану, фольклортану, өнертану салаларын зерттеу жұмыстарын жетілдіру, біліктілікті арттыру және тәжірибе алмасу мәселелері қамтылды.