Қаны қарайған герман фашизміне қарсы күресіп жатқан 200 миллион совет халқын бүкіл жер жүзінің азаттықты сүйгіш халықтары қостап отыр. Бұған – ССРС өкіметі мен Великобритания өкіметінің Гитлер Германиясына қарсы бірлесіп қимыл жасау туралы келісімі кепіл бола алады. Келісім тарихи маңызы аса зор документ болып саналады. Бұл документ жер жүзінде тұңғыш социалистік мемлекетке Европа елдерінің қарсы «крес жорығын» жасауы туралы фашистік сандырақты жоққа шығарды. ССРС халықтары мен Великобритания халықтарының берік одағы – фашист сұржыландарына қарсы өлтіре соққы болады.
Қазір, біздің ұлы отанымыздың батыс шекараларында, көп Ұлтты Советтер союзының ұлдары намыс үшін, азаттық үшін ұрысып жатыр. Орыстар мен украиндар, қазақтар мен белорустар және басқа халықтар бір ауыздан сөз, бір жеңнен қол шығарып жексұрын басқыншыларға қарсы жұмыла аттанды. Бізде қорғауға тұрарлық дәулет, қорғау қолынан келерлік жауынгер, қорғау үшін керекті қару-жарақ дегендердің барлығы да бар. Совет патриоттары сүйікті көсемі Сталин жолдастың төңірегіне бұрынғыдан да бетер берік топтана түсуде.
Қазақстанның оқымыстылары, ССРС еңбекшілерімен тізе қосып, жауды көп ұзатпай талқандау үшін барлық күш-жігерін жұмсайды. Демократиялық елдердің халықтары өзара одағын нығайта отырып, фашист варварларын жер бетінен құртады, көзін жояды. Бұған көп уақыт қалған жоқ.